ՀՀ Բարձր տեխնոլոգիական արդյունաբերության նախարար Մխիթար Հայրապետյանի կենսագրությունից հեռացվել է այն հատվածը, որտեղ նշվում էր նրա անցյալում աշխատանքի փորձը՝ որպես գիդ։
Նախարարը, որը 2015 թվականին, 25 տարեկան հասակում, աշխատել է «Ախթամար տուր» տուրիստական ընկերությունում՝ որպես էքսկուրսավար, այժմ խմբագրել է իր կենսագրությունը՝ այդ փաստը հեռացնելով։
Հիշեցնենք, որ նախարարը, որը սովորել է ԵՊՀ արեւելագիտության ֆակուլտետի թուրքագիտության բաժնում, «Ախթամար տուր»-ում իր աշխատանքի ընթացքում տուրիստական խմբեր է ուղեկցել Արեւմտյան Հայաստան։ Որպես գիդ՝ նա պատմել է հայրենիքի կորսված մասի, ցեղասպանության եւ Թուրքիայի կողմից դրա ժխտողականության մասին։
Այս տեղեկությունը ներկայացված էր նրա կենսագրության մեջ, որը հրապարակվել էր 2018 թվականին, երբ նա նշանակվեց սփյուռքի նախարար։ Այժմ, սակայն, այդ հատվածը կենսագրությունից հեռացվել է։
Այս փոփոխությունը տեղի է ունեցել այն ֆոնին, երբ Արաբկիրում այսօր Նիկոլ Փաշինյանի հետ վիճակահարված կինը, ինչպես հայտնի է դարձել, Երեւանի թիվ 16 պոլիկլինիկայի 20 տարվա աշխատակից է։
