Որոշ տեղեկություններով, ուրբաթ օրը Վանաձորում իրավապահները խուզարկություն և ձերբակալություններ են կատարել ոչ միայն «Ուժեղ Հայաստան» կուսակցության գրասենյակներում և այդ ուժի հետ փոխկապակցված անձանց պատկանող տարածքներում, այլև քաղաքապետի պաշտոնակատար Արկադի Փելեշյանի մերձավորների շրջանում։
Վանաձորում տարածված են խոսակցություններ, որ ՔՊ-ի սրտի համար համարվող քաղաքապետ Ական «տակից» աշխատում է Սամվել Կարապետյանի համար։ Ըստ այդ խոսակցությունների՝ «ճշտի պանյատները» թույլ չեն տալիս, որ նա Նիկոլ Փաշինյանի համար «վիզ դնի», և իշխանություններն այդ մասին տեղեկացել են՝ որոշելով նրա հետ կապ ունեցող անձանց միջոցով ստուգել և պարզել այդ փաստը։
Թեև չի բացառվում, որ սա Նիկոլ Փաշինյանի հերթական կասկածամտության դրսեւորումն է, որը հիմքեր չունի, այդ գործողությունների արդյունքում ինչ է պարզվել, մեզ չհաջողվեց իմանալ։ Մենք չկարողացանք կապ հաստատել Ակայի հետ։ Սակայն մեզ ասացին, որ բոլոր ձերբակալվածներին արդեն ազատ են արձակել։
Չի բացառվում, որ ընդամենը վախեցնելու համար են այդ օպերացիան կատարել, որպեսզի Ակայի պես ոչ այնքան յուրային համայնքապետերը չփորձեն «տակից խաղեր» տալ ընդդիմադիրների հետ։
