Իրավապահ մարմինները, որոնք սովորաբար ցուցաբերում են անսահմանափակ ակտիվություն ընդդիմության նկատմամբ ցանկացած կասկածի դեպքում, աչք են փակել 2024 թվականի խորհրդարանական ընտրություններին նախորորդած իրադարձությունների եւ հետագա զարգացումների նկատմամբ, որոնք ակնհայտորեն խախտում են օրենքը։
Փաստերն այնպիսին են․ ընտրություններից առաջ հանրությանը համոզում էին, որ վարչապետ Նիկոլ Փաշինյանը եւ իր կինը՝ Աննա Հակոբյանը, միմյանց հետ որեւէ իրավական կապ չունեն։ Աննա Հակոբյանը նախ հեռացվեց կառավարական ամառանոցից, ապա վերադարձավ, մի քանի ամիս անհետացավ հանրային ասպարեզից, եւ ընտրարշավի ընթացքում նույնիսկ չերեւաց։ Ընտրությունների օրը, սակայն, նա հանկարծ հայտնվեց հանրության առջեւ՝ որպես Նիկոլ Փաշինյանի կին եւ առաջին տիկին։
Այս պարագայում բնական հարց է առաջանում․ եթե ընտրություններից առաջ Աննա Հակոբյանը վարչապետի կինն էր, եւ նրա ղեկավարած «Իմ քայլը» հիմնադրամն իրականացրել է բազմաթիվ բարեգործական ծրագրեր ու նյութական աջակցություն տրամադրել հարյուրավոր անձանց ու ընտանիքների, ապա ինչո՞ւ իրավապահ մարմինները չեն գնահատում այդ գործընթացների համապատասխանությունը ընտրական եւ քրեական օրենսդրության պահանջներին։
Հատկապես խոսքը վերաբերում է բարեգործություն կատարելու արգելքին, ընտրակաշառք բաժանելուն եւ խոստանալուն, որոնք քրեական պատիժ են ենթադրում։ Օրինակ, «Ուժեղ Հայաստան» կուսակցությունից կալանավորվել է հայտնի հետախույզ Արթուր Ավանեսյանը (Կանդազը), որն ընտրացուցակում չկար։ Նա իր խոսքում մեկին ասել էր․ «Ուժեղ Հայաստանի»՝ իշխանության գալուց հետո «լավ կլինի»՝ «Չարչարվեցիք ընտրեցիք՝ համ գործն ա լնըմ, համ հողն ա լնըմ, համ տոնն ա լնըմ»։ Այս արտահայտությունը քննչականը գնահատել է որպես ընտրակաշառքի խոստում եւ մարդուն կալանավորել։
Իսկ «Իմ քայլը» հիմնադրամի գործունեությունը նախընտրական փուլում ցայտն ու ցայտ էր։ Բավական է մեկնել հիմնադրամի էջը՝ տեսնելու համար, թե ինչպես ամեն օր հրապարակվում էին հաղորդագրություններ՝ արված, արվելիք աշխատանքների, ծրագրերի եւ խոստումների մասին։ Օրինակ՝ հունիսի 5-ին հիշեցնում էին «Նոր մեկնարկ» կրթաթոշակային ծրագրի մասին, որտեղ խոստանում էին վճարել ուսման վարձը։ Հունիսի 4-ին հայտարարում էին 254 բիզնեսին ֆինանսական աջակցություն ցուցաբերելու մասին։ Մայիսի 28-ին ԵՊՀ-ում հիմնադրամն ամառային դպրոցի դիմորդների հետ էր հանդիպում եւ հարցազրույցներ անցկացնում։ Մայիսի 27-ից մինչեւ հունիսի 16-ը պատվիրակություն էր ուղարկել Չինաստան՝ «Չինարեն լեզվի եւ մշակույթի» սեմինարին մասնակցելու։ Մայիսի 17-ին «Գյուղական զբոսաշրջություն» ծրագրի շրջանակում ֆինանսական աջակցություն էին տրամադրում Թալինի երեք բնակավայրերից ընտրված 12 ընտանիքների, որոնք «նպատակ ունեն սեփական տունն ու տնտեսությունը զբոսաշրջային գրավիչ ծառայության վերածել»։
Այս ամենը պարզ եւ ակնհայտ ընտրակաշառք է, որի վրա իրավապահ մարմինները աչք են փակել։ Իսկ դա փորձել են սղղացնել՝ ձեւացնելով, թե Աննա Հակոբյանը ոչ մի կապ չունի Նիկոլ Փաշինյանի եւ ՔՊ-ի հետ։ Ընտրություններից ընդամենը 5 օր անց էլ տիկին Հակոբյանը մեկնում է ԱՄՆ՝ որպես ՀՀ առաջին տիկին։
Այսպիսով, օրենքը, որն ակտիվորեն գործում է ընդդիմության նկատմամբ, իշխանության համար դուրս է գործում։ Եթե նույն չափանիշները գործեին բոլորի համար, ապա ԱԱԾ-ն Աննա Հակոբյանի ԱՄՆ մեկնելու օրը օդանավակայանից տեսանյութ պետք է տրամադրի լրատվամիջոցին՝ «Բարեգործության արգելքի հնարավոր խախտման գործով Աննա Հակոբյանը փորձել է փախչել երկրից» վերնագրով։ Հետո նրան պետք է տեղափոխեին մեկուսարան, եւ իշխանական լրահոսը մեկ շաբաթ կքննարկեր «դարի բացահայտումը»։ Բայց, ինչպես միշտ, մեր երկրում օրենքը «սիրում է» միայն ընդդիմությանը։
