Հայաստանի Հանրապետության գլխավոր դատախազությունը հայտնում է, որ դեռեւս չի ստացել Ռուսաստանի Դաշնության գլխավոր դատախազությունից որեւէ պաշտոնական պատասխան՝ նախկին գլխավոր դատախազ Գեւորգ Կոստանյանին եւ Մարտի 1-ի գործով քննչական խմբի նախկին ղեկավար Վահագն Հարությունյանին Հայաստան հանձնելու միջնորդության վերաբերյալ։
Այս տեղեկությունը ստացվել է ՀՀ գլխավոր դատախազությունից՝ հետաքրքրվելով այդ հարցով։ Ըստ պաշտոնական հաղորդագրության՝ «տեղեկություն ունենալու դեպքում կտեղեկացնեն»։
Ազգային ժողովում տեղի ունեցած լսումների ընթացքում գլխավոր դատախազ Աննա Վարդապետյանը հայտարարել էր, որ Հայաստանի կողմից դիմում է ուղարկվել Ռուսաստանին՝ Կոստանյանի եւ Հարությունյանի հանձնման միջնորդությամբ։
Հիշեցնենք, որ Վահագն Հարությունյանի վրա մեղադրանք է առաջադրվել 2008 թվականի մարտի 1-ի իրադարձությունների վերաբերյալ տվյալները խեղաթյուրելու եւ դրանով օժանդակելու համար Գեւորգ Կոստանյանի կողմից «Մարդու իրավունքների եվրոպական դատարանում» առանձնապես ծանր հանցագործությունը թաքցնելուն։
Թեեւ Մարտի 1-ի գործով վաղեմության ժամկետն անցել է եւ դատավարությունն ավարտվել է, ՀՀ գլխավոր դատախազությունը շարունակում է հետապնդել նախկին իշխանության ներկայացուցիչներին։
