ԱՄՆ նախագահ Դոնալդ Թրամփը լրջորեն է դիտարկում Իրանի դեմ լայնածավալ ռազմական գործողություն վերսկսելու տարբերակը։ Այս մասին հաղորդում է CNN-ը՝ հղում կատարելով Սպիտակ տան անանուն օգնականների խոսքին։
Ըստ աղբյուրների՝ Սպիտակ տան ղեկավարի համբերությունը սպառվում է երկու հիմնական պատճառով։ Առաջինը՝ Հորմուզի նեղուցի շարունակական փակումն է, որը խոչընդոտում է միջազգային առևտուրը։ Երկրորդը՝ Իսլամական հանրապետության կողմից էական զիջումների բացակայությունն է, ինչը, ըստ ԱՄՆ նախագահի, պայմանավորված է Թեհրանի իշխանությունների շրջանում առկա ներքին տարաձայնություններով։
Սպիտակ տանը կան մի քանի ճամբարներ, որոնք Թեհրանի հետ կապված հետագա քայլերի վերաբերյալ տարբեր առաջարկներ են ներկայացնում։ Որոշ ներկայացուցիչներ հանդես են գալիս ավելի ագրեսիվ մոտեցման օգտին, որը կներառեր Իրանի դեմ հարվածներ՝ Իսլամական հանրապետության դիրքերը թուլացնելու նպատակով։ Մյուսները, սակայն, շարունակում են պնդում դիվանագիտական ջանքերի շարունակության անհրաժեշտությունը։
