Մայիսի 26-ին Զվարթնոց օդանավակայանում տեղի ունեցած հանդիպման ընթացքում ԱՄՆ պետքարտուղար Մարկո Ռուբիոն պաշտոնական այցի շրջանակում հանդիպել էր Հայաստանի արտգործնախարար Արարատ Միրզոյանի հետ։ Հանդիպման ընթացքում կատարվել էին մի շարք պաշտոնական փաստաթղթերի ստորագրումներ։
Այս հանդիպումից անմիջապես հետո ԱՄՆ դեսպանությունից Հայաստանին փոխանցվել էին Մարկո Ռուբիոյի անունից Արարատ Միրզոյանին նվիրված արարողակարգային նվերներ։ Դրանք՝ ափսե և թաս, ՀՀ արտգործնախարարության են հասել հունիսի 10-ին։
Ըստ Կոռուպցիայի կանխարգելման հանձնաժողովի տեղեկացման՝ նվերների ընդհանուր արժեքը կազմում է 266 հազար 480 դրամ։ Կոնկրետ՝ ափսեն գնահատվում է 175 հազար 200 դրամ, իսկ թասը՝ 91 հազար 280 դրամ։ Պարզվել է, որ նվերները պատրաստված են անագից և պատկանում են «Salisbury Pewer» ապրանքանիշին։
ՀՀ օրենսդրության պահանջներին համաձայն՝ բարձրաստիճան պաշտոնատար անձանց կողմից ստացված թանկարժեք նվերների մասին պարտադիր է կատարել հայտարարություն։
