Հարցին՝ թե ինչ է վարչապետ Նիկոլ Փաշինյանը ասել, երբ նշել է, որ թուրքերն ուզում են բացել սահման, ՀՀ ԱԳ նախարար Արարատ Միրզոյանը պատասխանեց․ «Ինչ լինում է, հանրային ասում ենք։ Եթե մի բան դեռ հանրայնացման կարիք չունի, քննարկման փուլում է, ասենք, որ ի՞նչ լինի»։
Լրագրողների հարցմանը՝ արդյո՞ք խոսքը Թուրքիայի հետ սահմանի բացման մասին է, նախարարը բացասական պատասխան տվեց․ «Չէ, չէ, բայց դա էլ է մի օր լինելու, վստահ եմ։ Այս անգամ խոսքը մի փոքր այլ բանի մասին էր։ Հենց բացահայտելու պահը գա, հանրային կասեմ։ Լավ բաների մասին է խոսքը»։
Երրորդ երկրների քաղաքացիների համար սահմանի բացման հնարավորության մասին հարցին նախարարը ծիծաղով պատասխանեց․ «Ինձ թվում է՝ մի քիչ շատ եք խորացել»։
