Հայաստանի դեմոկրատական կուսակցությունը և «Միասին» այլընտրանքային հասարակական քաղաքական շարժման համակարգող խորհուրդը հայտարարում են, որ 2026 թվականի հունիսի 7-ի խորհրդարանական ընտրությունները տեղի ունեցան ակնհայտ խախտումների պայմաններում։
Ընտրությունների գործընթացը սկսվեց իշխող քաղաքական կուսակցության (ՔՊ) և վարչապետ Նիկոլ Փաշինյանի կողմից իրականացված բռնաճնշումների և ընդդիմադիր հայացքներ կրող քաղաքացիների և քաղաքական ուժերի նկատմամբ հետապնդումների մթնոլորտում։ Այս ճնշումների գագաթնակետը դարձավ ընտրությունների ինքնին ընթացքը։
Արդեն ընտրատեղամասերից ձայների հաշվարկի 20%-ը չէր հասցվել, երբ Նիկոլ Փաշինյանը հրավիրեց ասուլիս և հայտարարեց իր հաղթանակը։ Այս հայտարարությանը հաջորդեց անհասկանալի և անհետևանք պահ՝ ՀՀ Կենտրոնական ընտրական հանձնաժողովը (ԿԸՀ) դադարեցրեց ձայների ուղիղ հեռարձակմամբ հաշվարկը և ընտրությունների արդյունքների հրապարակային հաղորդումը։ Ուղիղ հեռարձակումը դադարեցնելուց հետո, առավոտյան, ԿԸՀ-ն հաստատեց ՔՊ-ի հաղթանակը՝ փաստացի իրականացնելով իշխանազավթման և սահմանադրական կարգի տապալման փորձ։
Այս իրադարձությունները ցույց են տալիս, որ ընտրությունների շեմը 40-60 ձայների պակասով չհաղթահարած համարվեց ԲՀԿ-ն, որը մինչ այդ ակնհայտորեն ցուցաբերում էր 4-ից բարձր տոկոսային ցուցանիշներ։
Հետընտրական շրջանում ճնշումների ալիքը ավելի է սրվեց։ ԿԸՀ-ն 3 ընտրատարածքում ընտրությունները համարեց չեղյալ և հրաժարվեց վերաքվեարկություն անցկացնել՝ նույնիսկ ՀՀ վարչական դատարանի որոշման հիման վրա։ Այս քայլի հետևանքով մոտ 3000 քաղաքացու ընտրելու իրավունքը սահմանափակվեց՝ «տակտիկական քվեարկության» մտացածին մեկնաբանությամբ։
Մեր կողմից գնահատվում է, որ Նիկոլ Փաշինյանի խոսքերը և դրանց հետևող գործողությունները հակաիրավական, հակասահմանադրական բնույթ են կրում։ Նրանք խախտում են դատաիրավական համակարգի անկախության դրույթները, ՀՀ քաղաքացիների անմեղության կանխավարկածը, հասարակական համերաշխության և խաղաղ համակեցության տարրական կանոնները։ Նա ձեռնամուխ է եղել իր բոլոր ընդդիմախոսներին «ջախջախելու» գործողությանը՝ չխորշելով անգամ քաղաքացիական բախումներ հրահրելու արտառոց կոչերից, իր քաղաքական ծրագիրը մերժող բոլոր քաղաքացիներին հայտարարելով «ընտրակաշառք վերցնող կամ բաժանող»։
Այս վտանգավոր իրավիճակում Հայաստանի դեմոկրատական կուսակցությունը և «Միասին» շարժումը համաձայն են «Ուժեղ Հայաստան» դաշինքի առաջնորդ Սամվել Կարապետյանի առաջարկությանը՝ ստեղծելու ՔՊ ընդդիմացող ուժերի համախմբում, ազատ, արդար և իրավաչափ ընտրությունների վերականգնման պայքարի համակարգող խորհուրդ։ Այս կառույցը միասնական կհամակարգի իրավական, ժողովրդավարական գործողությունները՝ սկսյալ Սահմանադրական դատարանում ընտրությունների խեղված արդյունքների վիճարկումից։
Ընտրական ձայները չփոշիացնելու նպատակով մենք չենք մասնակցել ընտրություններին՝ կոչ անելով քաղաքացիներին իրենց ձայները տալ ընդդիմադիր առաջատար ուժերին։ Մենք պատրաստ ենք մասնակցելու հանրային պայքարին, որպեսզի Հայաստանում վերականգնվի ընտրությունների միջոցով իշխանությունը փոխելու սահմանադրական իրավունքը և ժողովրդին վերադարձնելու իր քվեն։
