Իսրայելի վարչապետ Բենիամին Նաթանյահուն բացառիկ հարցազրույցի ընթացքում, որը տրամադրել է ամերիկյան CBS հեռուստաընկերությանը մայիսի 11-ին, հաստատել է ԱՄՆ-ի և Իսրայելի կողմից Իրանի միջուկային ծրագիրը ոչնչացնելու նպատակով համատեղ գործողություն մշակելու փաստը։ Այս հայտարարությունը հրապարակվել է Իրանի կողմից ԱՄՆ-ի առաջարկած կարգավորման պայմանները մերժելու մասին տեղեկությունների հետ զուգահեռ։
Հարցազրույցի ընթացքում Բենիամին Նաթանյահուն հազիվ թե իրեն թույլ տար հրապարակայնացնել, որ ԱՄՆ նախագահ Դոնալդ Թրամփը նրան ասել է, թե «շահագրգռված է Իրանի տարածքում ցամաքային գործողություն իրականացնելու և հարստացված ուրանի պաշարները դուրս բերելու հեռանկարով»։ Նաթանյահուն, փաստորեն, հաստատել է, որ երկու երկրները մշակել են համատեղ ռազմավարություն։
Իր հարցազրույցում Իսրայելի վարչապետը նաև անդրադարձել է ԱՄՆ-ի կողմից Իսրայելին ցուցաբերվող ամենամյա ֆինանսական աջակցությանը՝ հավաստիացնելով, որ իր կառավարությունը մտադիր է առաջիկայում հրաժարվել դրանից։ Այնուամենայնիվ, նա հիշեցրել է ամերիկացի պաշտոնաթող գեներալ Ջեկ Քինի խոստովանությունը, որ «իսրայելական հետախուզության կողմից ԱՄՆ-ին տրամադրած տեղեկությունները հինգ ԿՀՎ արժեն»։
