Իրավապաշտպան, Սամվել Կարապետյանի փաստաբանական խմբի անդամ Ռոբերտ Ամստերդամը ֆեյսբուքյան իր էջում հրապարակել է կտրուկ հայտարարություն՝ վերաբերող Հայաստանում ընթացող իրավիճակին։
Նրա խոսքով՝ այն, ինչ տեղի է ունենում մեր երկրում, իրավական և բարոյական բոլոր սահմանների խախտում է։ Ռոբերտ Ամստերդամը նշում է, որ քաղաքական մրցակիցներին «ջախջախելու» հրապարակային սպառնալիքները և ընտրությունների օրը ընդդիմության կողմնակիցների մասսայական ձերբակալությունները բացահայտ բռնատիրության դրսևորումներ են, որոնց միակ նպատակը ընդդիմությանը վերջնականապես արմատախիլ անելն է։
Իրավապաշտպանը հստակ հայտարարում է, որ թույլ չեն տա, որ Եվրոպական Միությունը՝ Ուրսուլա ֆոն դեր Լայենի գլխավորությամբ, աչք փակի այս ապօրինությունների վրա։ Նրա կարծիքով՝ այս կեղծված ընտրությունները սատարելը ԵՄ-ի կողմից դավաճանություն է սեփական արժեքներին՝ հանուն Ռուսաստանի հանդեպ կուրացնող ատելության և ի հաշիվ հայ ժողովրդի շահերի։
Ռոբերտ Ամստերդամը հավաստիացնում է, որ իրենք կգործեն օրենքի շրջանակներում և իրավական պատասխանատվության ենթարկելու են բոլորին՝ ընդհուպ մինչև ապօրինի հրամաններ կատարողներին։ Նա վերջում հավելում է․ «Այս գոյաբանական պայքարում վախը չի՛ հաղթելու»։
Այս հայտարարությունը հրապարակվել է այն պահին, երբ նոր խորհրդարանը դեռ չի ձևավորվել, սակայն Քաղաքացիական Պատվություն կուսակցությունը արդեն ընտրել է Ազգային Ժողովի նախագահի պաշտոնակատար։
