ՀՀ Կենտրոնական ընտրական հանձնաժողովը (ԿԸՀ) այսօր նիստ է անցկացնում՝ քննելու Դատախազության կողմից ներկայացված միջնորդությունը։ Այդ միջնորդությունը վերաբերում է ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանի, ինչպես նաև պատգամավորի թեկնածուներ Ասատուր Քոչարյանի և Ռուսլան Բարսեղյանի նկատմամբ քրեական հետապնդում հարուցելու թույլտվությանը։
Քիչ առաջ ԿԸՀ-ի շենք է ժամանել հանրային մեղադրող Ծովակ Մնացականյանը, որը ներկայացրել է միջնորդությունը։ Նա հրաժարվել է մանրամասնել քրեական վարույթի բովանդակությունը։
ՀՀ երկրորդ նախագահ Ռոբերտ Քոչարյանը, սակայն, ԿԸՀ նիստին ներկայացված չէր։
Հիշեցնենք, որ Ռուսլան Բարսեղյանը «Հայաստան» դաշինքի ընտրական ցուցակի 62-րդ հորիզոնականում է, իսկ Ասատուր Քոչարյանը՝ 154-րդ հորիզոնականում։ ԿԸՀ-ի որոշումը կարող է ազդել նրանց մասնակցության վրա ընտրություններին։
