«Ուժեղ Հայաստան» կուսակցության առաջնորդ և վարչապետի թեկնածու Սամվել Կարապետյանը «Արմենիա» հեռուստաընկերությանը տված հարցազրույցում վերահաստատել է իր համոզմունքը, որ գործող իշխանության վերարտադրության դեպքում կատարվելու է Ադրբեջանի հերթական պահանջը՝ բնակեցնելու 300 000 ադրբեջանցի Հայաստանում։
Նրա խոսքով՝ մարդկանց շրջանում հաճախ կանխատեսումներ են արվում, թե նման հարցերով քարոզարշավ է իրականացվում։ Սակայն, նրա կարծիքով, այդպիսի հայտարարություններ Ալիևից և նրա օգնականներից ամեն օր լսվում են։
«Եթե չկա այդպիսի բան, ես առաջարկում եմ՝ թող վարչապետ Նիկոլ Փաշինյանը վաղն առավոտյան հայտարարի, որ հունիսի 18-ին, 19-ին Նախիջևանում Ալիևը չի կարող անցկացնել փառատոն»,- ասել է Սամվել Կարապետյանը։
Նա նշել է, որ անհանգստությունները պայմանավորված են այն հանգամանքով, որ գործող իշխանությունը չի կարողանում հակաճառել Ալիևին, Ադրբեջանի մոտեցումներին, հակադարձել բոլոր այն վտանգավոր հայտարարություններին, որոնք ուղղված են Հայաստանի և հայ ժողովրդի դեմ։
