Հայաստանի Ազգային անվտանգության ծառայությունը (ՀՀ ԱԱԾ) հաստատել է, որ համացանցում շրջանառվող տեսանյութում պատկերված անձինք ադրբեջանցի ազգության Ռուսաստանի Դաշնության քաղաքացիներ են։
Ըստ ՀՀ ԱԱԾ-ի տեղեկությունների՝ այդ անձինք մուտք են գործել Հայաստանի Հանրապետություն և դուրս են եկել պետական սահմանի «Բագրատաշեն» անցման կետով։ Ծառայության ներկայացուցիչները նշում են, որ այցը կրել է մասնավոր բնույթ։
Ավելի լրացուցիչ տեղեկությունների համաձայն՝ հիշյալ անձանցից մեկը Հայաստան է այցելել նաև 2013 թվականին, իսկ մյուսը՝ 2014 թվականին։
