Նախորդ երեք տասնամյակների ընտրություններին մասնակցած եւ դրանց ընթացքին հետեւած անձինք միաբերան պնդում են, որ երբեք մեր երկրում այսպիսի վախի մթնոլորտ չի եղել, որտեղ շարքային քաղաքացիներին պատժի ենթարկել են ընդդիմությանը պաշտպանելու կամ իրենց կարծիքը հայտնելու համար։ Այսպիսի վախի մթնոլորտի մասին խոսքը հնչում է այն պահին, երբ երկրի վարչապետը՝ Նիկոլ Փաշինյանը, ով ՀՀԿ-ի իշխանության տարիներին անարգել քարոզչություն էր անում, այսօր հենց ինքն է ստեղծել իրավիճակ, որտեղ մարդիկ վախենում են ընդդիմադիր կարծիք արտահայտել, ընդդիմադիր լինել կամ ընդդիմադիրների կողքին կանգնել։
Նա ոչ միայն ընդդիմադիր գործիչներին է հալածում, այլեւ՝ սովորական մարդկանց, որոնք դեմ են իշխանություններին կամ ունեն ընդդիմադիր հայացքներ։ Նա հիմնովին մոռացել է, որ ժամանակին, երբ իշխանություններին մեր հանրության կողմից բռնապետական էին համարվում, ինքն ագրեսիվ քարոզչական արշավ էր իրականացնում։ Նա բարձրանում էր ավտոտնակների վրա, ելույթներ էր ունենում, մտնում էր ՀՀԿ-ականներին պատկանող տարածքներ, ինչպիսիք են Լիֆիկի Բանգլադեշը, եւ թաղերում շրջում։ Այդ քարոզչության շնորհիվ էլ իրենց «եռագլուխ» ուժը՝ «Ելքը», մտավ խորհրդարան։ Եվ այդ ժամանակ ոչ ոք չէր սպառնում՝ «գլուխդ պատին կտաս», «բոմժ ենք սարքելու» կամ «բանտ ենք գցելու»։
Հիմա ինքն է հոխորտում, սպառնում է եւ վարչապետական բոլոր լծակները գործի դրած՝ քարոզարշավ է անում։ Նա փորձում է վախի եւ տեռորի մթնոլորտում վերարտադրել այն իրավիճակը, որը նախկինում մեղադրում էր իշխանություններին։ Սա, ըստ էության, փորձ է, որը նպատակ ունի ավարտին հասցնելու Ալիեւին տված իր խոստումները՝ Սահմանադրություն փոխելը, հօգուտ Ադրբեջանի սահմանազատումը եւ, վերջնական նպատակով, Հայաստան պետության ոչնչացումը։
Արաբկիրում Փաշինյանի հետ վիճած կինը Երեւանի թիվ 16 պոլիկլինիկայի 20 տարվա աշխատակից է։ Այսօր ականատես ենք լինում ամենատարբեր մանր եւ մեծ չինովնիկների ամենօրյա ցինիկության։ Մինչեւ որ ամեն ինչը նախընտրական երգ ու պարի մեջ է, քաղաքացին արդեն երկու օր է՝ հացը գնում է 40 դրամով թանկ։ ԱՄՆ դեսպանությունը հորդորում է քաղաքացիներին եւ ճանապարհորդներին՝ միջազգային թռիչքից առաջ իրենց հեռախոսները եւ այլ էլեկտրոնային սարքերը հանել ճանապարհորդական պայուսակներից։
