Իմ տեսակետով, այս երևույթը, երբ դատական համակարգը ենթարկվում է գործադիր իշխանության ճնշման, ցավոք, ոչ միայն առկա է, այլև համակարգված կերպով կիրառվում է որպես քաղաքական գործիք։
Քաղաքակիրթ երկրներում, որոնք մենք սիրում ենք համեմատել, նմանատիպ իրավիճակներում կիրառվում է գրավի մեխանիզմը։ Անգամ եթե կալանավորման հիմքեր լինեին, երիտասարդին պետք է թեկուզ 200 հազար դրամի գրավի դիմաց ազատ արձակեին։ Սակայն մենք տեսնում ենք, որ 18-ամյա Դավիթ Մինասյանին դարձրել են ֆուտբոլի գնդակ, տեղափոխում են մի վայրից մյուս, ինչը ինքնին ցնցող է։ Ինչպե՞ս է նա պետք է դիմանա նման պայմաններում, հատկապես քրեակատարողական հիմնարկներում, որտեղ ճիշտ դաստիարակությունն ուղղակի բացակայում է։ Այս ամենը մեծ անխղճություն է, եթե ոչ անբարոյականություն։ Երեխան հուզվել է, ագրեսիվացել է, բայց նրան դարձնել ֆուտբոլի գնդակ և ցույց տալ որպես «մահափորձի» զոհ՝ ոչ միայն անարդար է, այլև հասարակությանը սպառնում է։ Այս իրադարձությունը տեղի ունեցավ քրիստոնեական ամենամեծ տոներից մեկի ժամանակ։ Իսկական քրիստոնյան պետք է իմանար, որ այդ օրերին սատանան ակտիվանում է, և նման գայթակղությանը տալ գայթակղվելու առիթ՝ անթույլատրելի է։
Ինչ վերաբերում է Նիկոլ Փաշինյանի հայտարարություններին, որ նա չունի ոչ մի կապ դատական իշխանության հետ, ապա դա հիշեցնում է այն առակը, երբ աղվեսը, նապաստակը, առյուծը և գայլը միասին աչք են դարձնում։ Մեր դատական համակարգը հոշոտված է։ Դատավորները, ցավոք, աշխատում են այնպես, որ «շեֆը» հանկարծ չբարկանա։ Նրանք հաշվետու են ոչ թե օրենքին, այլ իշխանությանը։
Սովետի ժամանակներում, թեև կուսակցական հաշվետվությունները ավելի պարզ էին, բայց դատավորները նույնիսկ այդ ժամանակներում հաշվետու էին կուսկոմիտեի քարտուղարին։ Այսօրվա իրավիճակը նույնպես հաշվետվողական է, սակայն այն ավելի թաքնված և ավելի վտանգավոր է։
Այսպիսով, կարելի է եզրակացնել, որ Հայաստանում իշխանություն փոխվելուց հետո դատական համակարգի վիճակը բարելավելու հնարավորությունը կախված է այն հանգամանքից, թե որ իշխանությունն ինչ չափով է պատրաստ լինում ազատվել այդ կախվածությունից։ Որովհետև, ինչպես տեսնում ենք, ոստիկանությունը, ԱԱԾ-ն և Քննչական կոմիտեն բացահայտ ծառայում են իշխանություններին, իսկ դատական համակարգը, ցավոք, կցորդի դերում է։
