«Ուժեղ Հայաստան» դաշինքի առաջնորդ Սամվել Կարապետյանը մեկնաբանել է վարչապետ Նիկոլ Փաշինյանի նախընտրական քարոզարշավի ընթացքում դրսևորվող վարքագիծը։
Իր խոսքով՝ վարչապետի կողմից հնչող որոշակի արտահայտություններն ու ինքնատիրապետման կորստի դեպքերը պայմանավորված են դաստիարակության խնդիրներով։ Կարապետյանը նշել է, որ իր մոտ տպավորություն է ստեղծվել, թե որոշ մարդկանց արժեհամակարգի ձևավորման վրա ազդեցություն են ունեցել ծայրահեղական մտածողությամբ խմբեր։
«Ես տպավորություն ունեմ, որ փոքրիկ խմբակի դաստիարակությամբ զբաղվել են «Գորշ գայլերը»։ Միայն այդ դեպքում կարող են մարդիկ իրենց թույլ տալ այդպիսի պահվածք՝ մեծերի, կանանց, նույնիսկ երեխաների նկատմամբ»,- նշել է Սամվել Կարապետյանը։
Դաշինքի առաջնորդը ընդգծել է, որ «Ուժեղ Հայաստան»-ի նպատակներից մեկը հայ կնոջ արժանապատիվ կերպարի վերականգնումն է։ Նրա խոսքով՝ ապագայում հնարավոր է նաև, որ Հայաստանը ղեկավարի կին քաղաքական գործիչ։
