Իմ աղբյուրների համաձայն՝ ՀՀ վարչապետ Նիկոլ Փաշինյանը խիստ մտահոգված է իր անվտանգության հարցերով։ Այս անհանգստությունը հատկապես սրվել է դիմակավորված «արցախցիների» տեսանյութի հետ կապված։
Փաշինյանը, թեև քաղաքական մրցակիցներին հասցեին լուտանքներ տեղալով փորձում է պահպանել իր քաղաքական դիրքերը, հասկանում է, որ իր թշնամիների բանակը զգալիորեն մեծացել է, և իրեն ատողների կայուն բանակ է ձևավորվել, ինչը ստեղծում է լուրջ վտանգներ։
Անհանգստության առանցքային կետը մայիսի 28-ի միջոցառումներն են։ Փաշինյանը վախենում է, որ իր նախընտրական քարոզարշավի առանցքային իրադարձություններից մեկը կարող է խափանվել, և այդ օրը իր անվտանգությունը ապահովելը շատ բարդ է լինելու։
Այս անհանգստությունը բխում է նաև այն հանգամանքից, որ նա հայ հանրության զգացումները տրորել է և շատերի աչքում անպատվելի դարձել, հատկապես Արցախից բռնի տեղահանվածների հասցեին իր գռեհիկ խոսքերով և հրահրելով հրապարակային կոնֆլիկտներ։ Նա այնքան է հասցրել իրեն ատել, որ ենթադրում է՝ ամբոխից կարող են նույնիսկ քար նետել իր ուղղությամբ։
Այս պատճառով նա խստիվ հրահանգել է ՆԳ նախարար Արփինե Սարգսյանին և ԱԱԾ տնօրեն Անդրանիկ Սիմոնյանին՝ ձեռնարկել բոլոր անհրաժեշտ միջոցները՝ ապահովելու իր «կայուն անվտանգությունը»։
Իմ աղբյուրների համաձայն՝ նախապես կազմվում է ստուգված, հավատարիմ և վստահելի մարդկանցից կազմված ցուցակ, որոնք կկարողանան մոտենալ Փաշինյանին և հարցեր տալ կամ զրուցել՝ «վարչապետի և բնակչության միջև բաց շփման» պատրանք ստեղծելու համար։ Կատարվում են նաև միջոցներ՝ ագրեսիվ քաղաքացիների մուտքը տարածք մուտքը բացառելու համար։
