«Միասնության թևեր» կուսակցությունը դիմել է Սահմանադրական դատարան՝ պահանջելով Կենտրոնական ընտրական հանձնաժողովի որոշումները վավեր չճանաչել և վերաքվեարկություն նշանակել։ Այս մասին հայտարարել է կուսակցության ներկայացուցիչ Լիպարիտ Դրմեյանը։
Նրա խոսքով՝ այս քայլը կատարվել է այն հույսով, որ Սահմանադրական դատարանը կապահպանի իր բարձր հեղինակությունը և կկայացնի օրենքին համապատասխան որոշում։ Դրմեյանը նշել է, որ պատմության ընթացքում եղել են դեպքեր, երբ դատարանները, հանդես գալով որպես իրավունքի պաշտպան, վճռական պահերին ցուցաբերել են համարձակություն և կայացրել են իրավունքի և օրենքի բովանդակությունից բխող որոշումներ։
Պատասխանելով լրագրողի հարցին՝ արդյոք այս իրավիճակը կարելի է դասել այդ դեպքերի շարքին, Դրմեյանը հույս է հայտնել, որ այո, նման հույս ունի։
