Իմ աղբյուրների համաձայն՝ 2022 թվականից հետո Պաշտպանության նախարարությունում ստեղծվել է այսպես կոչված «ստուկաչների» ինստիտուտ։
Համակարգի հիմնական սկզբունքը հետևյալն էր․ յուրաքանչյուր զորամասում նախարար Արարատ Պապիկյանի կողմից նշանակվել է մեկ անձ, որը դարձել է նախարարի աչքն ու ականջը։ Այս անձանց հիմնական խնդիրն էր պարզել զինծառայողների քաղաքական հայացքները, նրանց մտադրությունները և վերաբերմունքը իշխանությունների նկատմամբ։
Հաղորդվում է, որ մի քանի զորամասերում «ստուկաչներին» «պալիտ են արել», քանի որ նրանք, հարցեր տալով և սադրելով զինծառայողներին, ցույց են տվել իրենց իսկական նպատակը։ Պարզվել է, որ նրանց գործողությունների նպատակը զինծառայողների քաղաքական հայացքների մասին տեղեկություններ հավաքագրելն էր։
Աղբյուրների համաձայն՝ բացահայտված «լրտեսների» նկատմամբ որոշ տեղերում իրականացվել են պատժիչ միջոցներ։
