Նախօրեին Հայաստանի ազգային օլիմպիական կոմիտեի շենքը, «Արարատցեմենտ» գործարանը, Երևանի «Արարատ» կոնյակի, գինու, օղու կոմբինատը, կոմբինատի հարեւանությամբ գտնվող ադմինիստրատիվ շենքը, «Մուլտի Սթոուն» ընկերությունը, «Փարավոն» ռեստորանային համալիրը և Ծաղկաձորում գործարարին պատկանող հյուրանոցներն ու գործարանները ենթարկվեցին համաժամանակյա խուզարկությունների։ Այս գործողությունները, որոնք սկսվեցին առավոտյան վաղ ժամին, կաթվածահար են մատնում հազարավոր քաղաքացիների կյանքին, որոնք մտավախություն ունեն, որ գործազուրկ են դառնում։
Այս իրադարձությունները տեղի ունեցան ԲՀԿ առաջնորդ Գագիկ Ծառուկյանի առանձնատանն ու նրա բազմաթիվ բիզնեսներում կատարված խուզարկությունների ֆոնին։ Ինչպես հայտնի է դարձել, խուզարկությունները կատարվել են մի քանի տասնյակ տնտեսությունների նկատմամբ։
Այս գործողությունների հետևանքով ահռելի վնասներ են կրել «Արարատցեմենտ» գործարանը, կոնյակի գործարանը և հյուրանոցները։ Գործարաններում պահվող սպիրտի մեծ պաշարները պահանջում են շուրջօրյա անվտանգության աշխատանքներ, իսկ հյուրանոցներում չեն հասցրել լողավազաններն ու ջրի բաքերը դատարկել։ «Արարատցեմենտի» հոսքուղիներում վթար է տեղի ունեցել։
Գործարանի տնօրենի ժամանակավոր պաշտոնակատար Արտյոմ Պողոսյանը նշել է, որ իրավապահները գրոհել են գործարանի վրա՝ բառի բուն իմաստով։ Նրանք, աշխատակիցներին վախեցնելով ուժ գործադրելով, թույլ չեն տվել աշխատանքի եկած մարդկանց մուտքը, այլեւ առանց ժամանակ տալու դուրս են հանել հոսքագծերի վրա աշխատողներին։
Պողոսյանի խոսքով, այդ պահին աշխատող հոսքագծերը մնացել են անտեր, ինչը պահանջում է ամենվայրկյանի հսկողություն։ Արդյունքում հսկայական քանակությամբ հումք է այրվել, իսկ խափանումները և վնասները տեղի են ունեցել այն բանից հետո, երբ մասնագետներին թույլ են տվել մտնել։ Գործարանի աշխատանքը կաթվածահար է մնացել, ինչը վերաբերում է շուրջ 1000 աշխատակցի։
Քննչական կոմիտեի աշխատակիցները կապարակնքել են գործարանի մուտքն ու ադմինիստրատիվ մասնաշենքը։ Տնօրենը նաև տեղեկացրել է, որ իրավապահները գրոհից առաջ ներկայացրել են դատարանի որոշում, որում նշված էր խուզարկությունների արգելքը աշխատասենյակներում։ Չնայած դրան՝ իրենց մատնանշմանը, որ դատարանը նման բան է գրել, իրավապահ մարմնի աշխատակիցները չեն ենթարկվել դատարանի որոշմանը։
