ՀՀ իրավապահ մարմինները չեն հայտնում, թե ինչ է կատարվել Մերձավանի նախկին ՔՊ-ական ղեկավար Մհեր Ախտոյանի եւ նրա հոր հետ։
Ինչպես հայտնի է դարձել, Մհեր Ախտոյանը Հայաստանը լքել էր Վալոդյա Գրիգորյանի սպանությունից տասը օր առաջ։ Ներկայումս Գրիգորյանի ազգական Նարեկ Օհանյանը եւ սպանության մեջ մեղադրվող Գեւորգ Հարությունյանը գտնվում են մեղադրյալի աթոռին։
Ըստ տեղեկությունների՝ Ախտոյանի մայրը նույնպես ամուսնու եւ որդու հետ մեկնել էր արտերկիր։ Ըստ բարեկամների՝ նա վերադարձել է Հայաստան առանց ամուսնու եւ որդու։
ՀՀ Քննչական կոմիտեից հայտնում են, որ Ախտոյանների «անհետացման» հետ կապված վարույթ չի գործում։
Հիշեցնենք, որ Մալաթիա Սեբաստիա վարչական շրջանի ղեկավար Ռոմիկ Մխիթարյանը այսօր հրաժարական է ներկայացրել։ Ինչպես նաեւ, ծաղիկ աճեցնող ջերմոցատերերից մեկը հայտնել է, որ սպառնալիքներ է ստացել իշխանական օղակներից։
