Հայաստանի վարչապետ Նիկոլ Փաշինյանը նորից հրապարակավ քննադատել է երկրի դատական համակարգը՝ պնդելով, որ քաղաքացիները պահանջում են բացատրություն՝ այն պատճառով, որ երկրորդ նախագահ Ռոբերտ Քոչարյանը ազատության մեջ է։
«Ում քսակը ավելի հաստ ա, ցանկացած գործով կգնա կարդարանա դատարանում, ցանկացած գործով։ Խնդիր չունեն, ասենք՝ դիակի վրա կարող ա մարդկանց բռնես, գնան հետո բան անեն, արդարանան, դուրս գան, եւ այլն, եւ այլն։ Բա էդ ա, որ ասում եմ՝ եռագլուխ մաֆիայի դեմ ենք պայքարում էս ութ տարի ա»,- ասաց վարչապետը՝ ակնարկելով, որ իր թիմը հետապնդում է կաշառակեր դատավորների հետ։
Այս հայտարարությունը դատական համայնքում արձագանք է ստացել։ Դատավորների վերջին ժողովի ընթացքում մի խումբ դատավորներ քննարկել են վարչապետի խոսքերը եւ հումորով արձագանքել դրան։ Նրանք նշել են, որ չեն վախենում Փաշինյանի՝ իրենց ետեւից գնալու սպառնալիքներից, քանի որ շատերն արդեն հոգնել են այս իրավիճակից եւ ցանկանում են ինքնակամ դուրս գալ համակարգից։
Այս իրադարձությունները տեղի են ունենում այն պահին, երբ երկրում ծավալվում են լարվածություն եւ քաղաքական անկայունություն։ Փաշինյանի հրապարակային քննադատությունը դատական իշխանության նկատմամբ եւ դատավորների արձագանքը դրան՝ ավելի են խորացնում հասարակության մեջ առկա վստահության խզվածքը։
