Իմ աղբյուրների համաձայն, պետական գերատեսչությունների աշխատողներին, հատկապես Երևանի քաղաքապետարանի և թաղապետարանների աշխատակիցներին, հորդորել են կիրակի՝ հուլիսի 12-ին, ներկա գտնվել Հանրապետության հրապարակում, որտեղ իշխանությունը նախատեսում է նշել Վարդավառի տոնը։
Տիգրան Ավինյանը, որպես Երևանի քաղաքապետի տեղեկատու, խիստ հրահանգ է իջեցրել, որտեղ նշվում է, որ ներկա չգտնվելու դեպքում աշխատակիցները կենթարկվեն պատժի։ Այս քայլի նպատակն այն է, որ հրապարակում ստեղծվի մարդաշատ, ուրախ և զվարթ տեսարան, որը կցուցադրի, թե Հայաստանում կյանքն ուրախ է, մարդիկ երջանիկ են և չունեն իշխանությունից դժգոհություններ։
Այս մոտեցումը, որը հաճախակի է դիտարկվում վերջին շրջանում, կարելի է բնութագրել որպես «հաց և տեսարաններ» սկզբունքի կիրառում, երբ իշխանությունները փորձում են մարդկանց ուշադրությունը հեռացնել կենցաղային դժվարությունների և սոցիալական լարվածության հարցերից՝ կազմակերպելով զանգվածային տոներ և միջոցառումներ։
Հիշեցնենք, որ Վարդավառի տոնակատարությունների համար Երևանի քաղաքապետարանը հատկացրել է 199 միլիոն 500 հազար դրամ։ Միջոցառման ընթացքում նախատեսվում է համերգ, որտեղ հանդես կգան հայտնի երգիչներ՝ Իվետա Մուկուչյանը, Արսեն Գրիգորյանը և Արամ MP3-ն։ Համերգը վարելու է Քաղաքացիական պայմանագության կուսակցության (ՔՊ) ակտիվիստ Էդուարդ Աղաջանյանի կինը՝ Դիանա Մալենկոն։
