Ռուսաստանը և Ադրբեջանը ակտիվորեն քննարկում են երկու երկրների միջև մշակութային կապերը ամրապնդելու մի շարք հեռանկարային ծրագրեր։ Այս մասին հայտնել է ՌԴ ԱԳՆ ԱՊՀ երկրների Չորորդ դեպարտամենտի տնօրեն Միխայիլ Կալուգինը։
Քննարկվող հիմնական նախաձեռնություններից մեկը դեսպանատներին առընթեր դպրոցների բացումն է։ Պլանավորվում է Մոսկվայում Ադրբեջանի դեսպանատանը կից հիմնել ադրբեջանական դպրոց, իսկ Բաքվում՝ Ռուսաստանի դեսպանատանը կից՝ ռուսական դպրոց։
Բացի դպրոցներից, երկու երկրները նաև քննարկում են համատեղ բուհական ծրագրեր։ Պատվորվում է Բաքվում Սանկտ Պետերբուրգի պետական համալսարանի հիման վրա համատեղ համալսարան հիմնադրելու հնարավորությունը։ Քննարկվում է նաև Ռուսաստանի տեղեկատվա-մշակութային կենտրոնի վերականգնման հեռանկարը։
Մի այլ կարևոր ծրագիր, որը նախատեսվում է իրականացնել, երկու երկրների տարածքում «պետական ակնառու գործիչների հուշարձաններ կանգնեցնելն» է։ Ըստ ակնկալիքների, խոսքը կարող է վերաբերել Մոսկվայում Հեյդար Ալիևի հուշարձանը կամ կիսանդրին կանգնեցնելու հարցին։
Հիշեցնենք, որ Բաքվում արդեն ավելի քան տասը տարի գործում են Մոսկվայի Լոմոնոսովի անվան պետական համալսարանի և Առաջին բժշկական համալսարանի մասնաճյուղերը։ Բաքվի Պետական համալսարանի ռեկտորը Նարգիզ Փաշաևան է, իսկ Առաջին բժշկական համալսարանի մասնաճյուղի հիմնադրմանը մեծ դեր ունեցել է Ադրբեջանի առաջին տիկնոջ՝ Մեհրիբան Ալիևայի մասնակցությունը, որը ավարտել է Մոսկվայի Առաջին բժշկական ինստիտուտը։
