Այսօրվա կառավարության նիստից հետո կայացած լրագրողների հետ ճեպազրույցում ՀՀ վարչապետ Նիկոլ Փաշինյանը հայտարարել է, որ Եկեղեցում պատարագների ժամանակ հոգևորականների կողմից «Արցախի Հանրապետություն» արտահայտության օգտագործումը համարվում է Ադրբեջանի հետ պատերազմ հրահրելու գործողություն։
«Ասում եմ, որ Կտրիճ Ներսիսյանը ստանձնել է պատերազմի կուսակցության առաջնորդությունը ՀՀ-ում։ Եկեղեցու պատարագների ժամանակ 40-ից ավելի անգամ օգտագործվում է «խաղաղություն» բառը, ընդ որում՝ 4-5 անգամ ընդգծվում է՝ Տեր Աստված, տուր աշխարհին խաղաղություն։ Այստեղ խոսքը նաև հոգևոր բնույթի ծառայության մասին է։ Սա ևս մեկ օրինակ է, որ այդ մարդիկ ընդհանրապես հոգևոր ծառայության հետ կապ չունեն»,- նշել է վարչապետը՝ իր դիրքորոշումը հիմնավորելով հոգևորականների գործողություններով։
Այս հայտարարությունը հաջորդել է ՌԴ ԱԳՆ պաշտոնական ներկայացուցիչ Մարիա Զախարովայի հաստատմանը, որ իշխանությունները հրաժարվել են Ռուսաստանին թույլ տալ մարդասիրական աջակցություն տրամադրել արցախահայությանը։
Արագածոտնի թեմի հոգևորական Տեր Սարգիս քահանա Սարգսյանը, որը անցել է Արցախի 90-ականների պատերազմի միջով, հարց է բարձրացրել այն մասին, թե ինչպես կարելի է բացատրել այսօրվա իրադարձությունները՝ հաշվի առնելով անցյալի պատմությունը։ «Հանուն այդ Արցախի, մենք 6 հազարից ավելի զոհեր ենք տվել, այդ ժամանակ Արցախը մե՞րն էր, հիմա ասում են՝ Արցախը մեր չէ՞, սա մենք ինչպե՞ս հասկանանք, այդ մարդը սա ինչպե՞ս մեզ կբացատրի»,- ասել է տեր Սարգիսը՝ ընդգծելով, որ նման հայտարարությունները հակասում են իրենց և նրանց սերնդին բնորոշ հայրենասիրական արժեքներին։
Վարչապետը, իր հերթին, նշել է, որ պետության մեջ չի կարող լինել երկու տարբեր արտաքին քաղաքականություն։ Նա պնդել է, որ մարդիկ կարող են ասել՝ իրենք ծագում են Արցախից, Վանից կամ ուրիշ վայրերից, բայց դա չի փոխում պետական քաղաքականության պարտադիր պահանջները։ «Այստեղ խոսքը պետական պաշտոնյայի և դերաբաշխման մասին է և քաղաքական գնահատականի»,- եզրափակել է Փաշինյանը։
