Վերջերս Քաղաքացիական պայմանքի (ՔՊ) կազմակերպության ներսում ծագել են իրարամերժ տրամադրություններ եւ մտահոգություններ, որոնք ես ներկայացրել եմ Նիկոլ Փաշինյանին։
ՔՊ-ի անդամների խոսքով՝ նրանք մտահոգված են Փաշինյանի հաճախակի հուզական եւ, նրանց կարծիքով, վտանգավոր հայտարարություններով։ Թեպետ բոլորը միաձայն ցանկանում են խորհրդարան անցնել եւ իշխանություն ձեռք բերել, սկսել են կասկածել, որ առաջնորդի սխալները կարող են խոչընդոտել այդ նպատակին։ Նրանց կարծիքով՝ ՔՊ-ի դիրքերը «նախկինի պես ամուր չեն»։
Ի պատասխան՝ Փաշինյանը, իրեն բնորոշ ոճով, նշել է, որ նրանք «չեն հասկանում» եւ հավելել՝ «Ինքը գիտի, թե ինչ է անում»։ Նա խորհրդարանականներին հորդորել է կենտրոնանալ իրենց աշխատանքի վրա՝ չխանգարելով իրեն։
Ընդհանուր առմամբ, ՔՊ-ի անդամները շարունակում են վստահ լինել հաղթանակի հնարավորությանը, սակայն վերջերս ծագած կասկածները խորացնում են ներքին լարվածությունը։ ՔՊ-ականները իրար մեջ խոսում են այն մասին, որ «Փաշինյանը սրում է խաղը»։ Նրանց մտահոգությունն այն է, որ անհաջողության դեպքում նոր իշխանությունն ու ժողովուրդը կարող են «խժռել» նրանց՝ հատկապես արցախցիների եւ Եկեղեցու վրա հարձակումների համար։
