Ինչպես հայտնի է դարձել Songwriting for Songwriters փոդքաստի հարցազրույցում, Deep Purple խմբի լեգենդար վոկալիստ Իեն Գիլանը խոսել է խմբի նոր ալբոմի մասին, որի թողարկումը նախատեսված է 2026 թվականի հունիսին։
Նոր ալբոմի հիմնական թեման մարդկության վերջն է, սակայն այն, ինչպես նշում է Գիլանը, շատ հուսադրող է, այլ ոչ թե մռայլ։ Ալբոմը կանդրադառնա մարդկության՝ դեպի մետաֆիզիկական վիճակի անցման, մեր հաջորդ մարմնավորման կամ, ինչպես այն կոչվում է, կերպարանափոխության գաղափարին։
Խմբի աշխատանքային գործելաոճը, որը տասնամյակներ շարունակ գրեթե չի փոխվել, նույնպես հստակեցվել է։ Deep Purple-ի անդամները սովորաբար մեկնում են 7-10 օրով, որոնց ընթացքում ամեն օր հաճախում են ստուդիա՝ սկսելով կեսօրից եւ ավարտելով 18:00-ին։ Աշխատանքային օրը ընդհատվում է 15:00-ին կատարվող թեյի ընդմիջումով։ Այս ընթացքում խմբի անդամները պարզապես սկսում են նվագել, ինչն հանգեցնում է իմպրովիզացիայի զարգացման։ Գիլանը նշում է, որ այս գործընթացում կարող են հնչել բլյուզ, ռոք եւ սոուլ ժանրերին բնորոշ տարրեր՝ կախված նրանից, թե ինչ է հնչում նրանց մտքերում։
