Հունիսի 7-ին կայանալիք Ազգային ժողովի ընտրություններին մասնակցող 19 կուսակցություններն ու դաշինքները ներկայացրել են իրենց գույքի և եկամուտների տարեկան հայտարարագրերը։
Հայտարարագրերի վերլուծությունը ցույց է տալիս, որ մի քանի կուսակցություններ չունեն գույք և դրամական միջոցներ։ «Ռեֆորմիստներ», «Ազգային ժողովրդական բևեռ», «Քոչարի ազգային վերածնունդ և ազգային զարթոնք», «Ալյանս» և «Ժողովրդավարական համախմբում» կուսակցությունները հայտարարագրում են ունենալով ոչ մի գույք կամ դրամական միջոց։
«Բոլորին դեմ եմ» կուսակցության դրամական միջոցները կազմել են 4 մլն 62 հազար 500 դրամ։ «Ուժեղ Հայաստան» դաշինքի կազմում գտնվող «Ուժեղ Հայաստան» կուսակցությունը հայտարարագրել է 16 մլն 719 հազար 50 դրամ։ Կուսակցության եկամուտները կազմել են 159 մլն 500 հազար դրամ, որը գոյացել է նվիրատվություններից։ Կուսակցությունը վարձակալել է 95 անշարժ գույք՝ ողջ Հայաստանի տարածքում։ Դաշինքի մաս կազմող «Նոր դարաշրջան» կուսակցությունը հայտարարագրել է 2 մլն 715 հազար 560 դրամ նվիրատվություն, որը կատարել է Էդուրադ Ավետիսյանը։ Իսկ դաշինքի մաս կազմող «Միավորված հայեր» կուսակցությունը գույք և եկամուտ չի հայտարարագրել։
«Հայաստանի շնորհապետական» կուսակցությունը հայտարարագրել է 10 մլն 247 հազար 604 դրամ դրամական միջոցներ, որը գոյացել է անդամավճարներից և նվիրատվություններից։ Կուսակցությունը նաև վարձակալել է մեկ տարածք։ «Նոր ուժ» կուսակցությունը հայտարագրել է 927,626 դրամ, իսկ մեկ տարվա ընթացքում ստացել է 13 մլն 920 հազար դրամ նվիրատվություն։ «Միասնության թևեր» կուսակցությունը հայտարագրել է 611 հազար 438 դրամ գումարային միջոցներ, ինչպես նաև 1 մլն 120 հազար դրամ նվիրատվություն, որը փոխանցել է Հովհաննես Մարգարյանը։
«Բարգավաճ Հայաստան» կուսակցությունը որպես եկամուտ հայտարագրել է 45 մլն 821 հազար 600 դրամ, որը ստացել է Ազգային ժողովից՝ որպես աջակցություն։ Կուսակցության դրամական միջոցները կազմել են 47 մլն 921 հազար 194 դրամ։ «Հայ ազգային կոնգրես» կուսակցությունը հայտարագրել է մեկ անշարժ գույք, 259 հազար դրամ դրամական միջոցներ և 505 հազար 800 դրամ եկամուտ՝ կուսակցության անդամավճարներից, ինչպես նաև 1 մլն 505 հազար 350 դրամ՝ նվիրատվություններից։
«Հանրապետություն» կուսակցությունը հայտարագրել է 26 մլն 27 հազար 360 դրամ դրամական միջոցներ, որից 15 մլն դրամը գրավի վերադարձ է, իսկ 37 մլն 17 հազար 800 դրամը՝ Ազգային ժողովից՝ որպես պետական ֆինանսավորում։ «Քրիստոնեա-ժողովրդավարական կուսակցությունը» դրամական միջոցներ և եկամուտներ չի հայտարարագրել, բայց վարձակալական հիմունքներով ունի գրասենյակ։
ԴՕԿ կուսակցության դրամական միջոցները հայտարարագիրը ներկայացնելու պահին կազմել են 1800 դրամ, իսկ եկամուտները՝ 415 հազար դրամ, որը փոխանցել են Անույշ Խուդավերդյանը և Դավիթ Անդրեասյանը։ «Քաղաքացիական պայմանագիր» կուսակցությունը ներկայացրել է կուսակցության հայտարարագիրը։ Կուսակցությունը հանրապետությունով մեկ վարձակալել է 336 գրասենյակային տարածք։ Որպես եկամուտ հայտարագրել է 234 մլն 727 հազար 890 դրամ, որը Ազգային ժողովը փոխանցել է որպես պետական ֆինանսավորում։ Կուսակցությունը նաև ստացել է 481 մլն 790 հազար 400 դրամ նվիրատվություն տարբեր անձանցից։
«Հայաստան» դաշինքի կազմում գտնվող ՀՅԴ կուսակցությունը հայտարագրել է 68 շինություն և 2022թ-ին թողարկված Տոյոտա կոռոլա մակնիշի մեկ ավտոնեքենա։ Կուսակցության դրամական միջոցները կազմել են 10 մլն 194 հազար դրամ, իսկ եկամուտները՝ 1 մլն 640 հազար դրամ (գույքի վարձավճար), 9 մլն դրամ (նվիրատվություն) և 3 մլն 80 հազար դրամ (անդամավճարներ)։ «Հայաստան» դաշինքի մաս կազմող «Առաջ» կուսակցությունը հայտարագրել է 34 մլն 109 հազար 867 դրամ, իսկ եկամուտները կազմել են 103 մլն 860 հազար դրամ՝ նվիրատվություններից։ Կուսակցությունը վարձակալել է 45 անշարժ գույք։ «Հանուն հանրապետության» կուսակցության դրամական միջոցները հայտարարագիրը ներկայացնելու պահին կազմել են 21 հազար 520 դրամ, իսկ եկամուտները՝ 2 մլն 99 հազար 600 դրամ՝ նվիրատվություններից։ «Լուսավոր Հայաստան» կուսակցությունը հայտարագրել է 64 հազար 51…
