ՀՀ հակակոռուպցիոն կոմիտեի կողմից իրականացված օպերատիվ-հետախուզական միջոցառումների ընթացքում ստացվել են փաստական տվյալներ, որոնց համաձայն «Ուժեղ Հայաստան» կուսակցության Արմավիրի մարզի Բաղրամյան համայնքի տարածքային պատասխանատուն կուսակցության օգտին քվեարկելու պայմանով պայմանավորվել է մի քանի ընտրողի հետ։ Նա նաև կասկածվում է ընտրակաշառք տալու մեջ։
Բացի այդ, նույն անձը նյութապես շահագրգռելու եղանակով ապահովել է Բաղրամյան համայնքի մի շարք բնակիչների մասնակցությունը կուսակցության հանրահավաքներին։
Դեպքի առթիվ ՀՀ հակակոռուպցիոն կոմիտեում նախաձեռնվել է քրեական վարույթ։ Ձերբակալվել են մի քանի անձ, կատարվել են խուզարկություններ և վարութային այլ գործողություններ։
Ծանուցում: Հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի օրինական ուժի մեջ մտած դատավճռով։
